Mbetemi në ndikimin e masave ajrore të qëndrueshme me origjinë verilindore duke ndikuar mot të kthjellët dhe të ftohtë në të gjithë vendin.
Pjesa e dytë e ditës sjell kalime vranësirash të lehta, më të dukshme në zonat jugore dhe juglindore.
Ndërsa priten shira të dobët në ekstremin jugor, si edhe reshje të pakta dëbore në juglindje të vendit.
Sipas MeteoAlb, temperaturat e ajrit rriten në të dy vlerat ekstremale ditore, duke u luhatur nga -3 °C deri në 19°C.
Era do vijojë e lehtë, me shpejtësi 25 km/h nga drejtimi veriperendimor duke krijuar në det dallgëzim 2 ballë.
MOTI NE VIJIM:
fundjava paraqitet me kthjellime dhe vranësira kalimtare, më të shpeshta në ekstremet Veri – Jug ku priten reshje të pakta dhe të izoluara.
Temperaturat rriten me 2 – 3°C të shtunën, rritje më të ndjeshme sjell e diela.
Të njëjtat kushte të motit, me kthjellime dhe vranësira të herë pas hershme dhe reshje të pakta e të izoluara, vijojnë mbi territor deri më data 5 – 6 dhjetor.
Ditët e para të dhjetorit sjellin temperatura relativisht të larta. Më e ndjeshme kjo gjatë mesditës kur maksimumi në rang territori ngjitet në 22°C.
Ndërsa minimumet luhaten nga 2°C në zonat malore deri në 11°C, gjatë mëngjeseve në zonat bregdetare dhe të ulëta.
