Mjekët në Kinë kanë krijuar një vaksinë ndaj koronavirusit, e cila deri më tani shfaq premisa të mëdha.
Vaksina është krijuar nga epidemiologia kineze Chen Wei, e cila e ka provuar e para në trupin e saj. Sipas ‘Express.co’, më 3 mars mjekja e ka injektuar këtë vaksinë në krahun e majtë, ndërsa më pas të njëjtën gjë ka bërë edhe ekipi i saj me të cilin punoi për vaksinën.
Pas kësaj, ajo bashkë me ekipin e saj u zhvendosën për kërkime shkencore në Wuhan. Ata punuan për 1 muaj atje dhe asnjëri nga stafi nuk u infektua.
Gjithashtu testimet e vaksinës janë bërë edhe te një person i infektuar dhe ka dhënë rezultate pozitive.
Bëhet me dije se kjo vaksinë është mbështetur nga Akademia e Shkencave Ushtarake dhe është regjistruar për t’u përdorur te popullsia në Kinë kundër koronavirusit.
Fillimet e eksperimentit kanë dhënë rezultate pozitive, duke bërë që të rritet shpresa se kjo mund të jetë kura ndaj kësaj sëmundjeje.
