Enrique Iglesias është shpallur artisti më i mirë latin i të gjitha kohërave, sipas Billboard Latin Music Awards 2020. Lajmi u njoftua nga Telemundo dhe Billboard, në pritje të mbrëmjes zyrtare që do të zhvillohet më 21 tetor në Qendrën BB&T në Sunrise, Florida, transmetuar nga Telemundo.
Enrique numëron më shumë se 40 hite, mbi 17 miliardë klikime dhe mbi 10 miliardë njerëz të pranishëm në koncertet e tij. Në 2021 Enrique ka planifikuar një tur prej 25 shfaqjesh në Amerikë me Ricky Martin, megjithatë çdo gjë varet nga pandemia.
“Enrique është një ikonë, një yll botëror, një profesionist i stilit të lartë dhe më e rëndësishmja dhe çuditërisht, një person fantastik. Muzika e tij ka pushtuar më shumë se një brez. Ky çmim shumë i merituar është një dëshmi e ndikimit të tij të vazhdueshëm. Është një nder për ne në Sony Music të punojmë me të. Urime“, tha Afo Verde, president dhe CEO i Sony Music Latin Iberia.
