Një shqiptar, i cili ishte i shpallur në kërkim për vrasje është kapur pranë kufirit amerikano-kanadez. Ai është ndaluar nga efektivët ndërsa është përpjekur të hyjë në SHBA më 20 dhjetor, shkruan mynbc5.com. 
Një informacion u mor nga Stacioni i Kufirit Champlain në orën 8:30 të mërkurën e kaluar, ku një njeri i dyshimtë po ecte përgjatë Canaan Road pranë kufirit ndërkombëtar. Agjentët e gjetën njeriun në një biznes aty pranë duke u përpjekur për të telefonuar dikë.
Pas marrjes në pyetje, nën statusin e tij të një emigranti të paligjshëm, ai pranoi se kishte hyrë në Shtetet e Bashkuara përmes pyllit.
“Sektori i Mbrojtjes së Kufirit Sëanton i mbështetet shumë në njerëzit që jetojnë dhe punojnë pranë kufirit për të raportuar aktivitete të dyshimta”, tha Norm Lague, agjenti i patrullës në krye të stacionit Champlain. “Kjo thirrje e pengoi një të arratisur të rrezikshëm i shpallur në kërkim, i cili po tentonte të hynte në Shtetet e Bashkuara”.
Zyrtarët thonë se 20-vjeçari Sandar Hiraj ka një urdhër arresti të pazgjidhur në lidhje me vrasjen e një oficeri policie në vendin e lindjes në vitin 2015. Hiraj u arrestua nga agjentët e kufirit dhe do të ndiqet penalisht për hyrja ilegale në Shtetet e Bashkuara. Ai do të bëjë dhe gjashtë muaj burg.TIRANA TODAY
