Arrestohet biznesmeni nga Vlora Pëllumb Petritaj. Policia bën të ditur se ai akuzohet për dy vepra penale. Një ditë më parë Gjykata e Shkallës së Parë Vlorë ka caktuar “arrest në burg”, për 54-vjeçarin.
Policia njoftoi
Seksioni i Krimit Ekonomik e Financiar Vlorë, ka arrestuar Pëllumb Petritaj, 54 vjeç.
Shërbimet e Policisë kanë bërë ndalimin e tij pasi ky shtetas dyshohet të jetë autorë i kryerjes së dy veprave penale. “Falsifikimi i dokumentave” dhe “Pastrimi i produkteve të veprës penale”, të parashikuara nga nenet 186/2 dhe 287/3 të Kodit Penal.
Nga hetimet e kryera, dyshohet se Pëllumb Petritaj ka falsifikuar dokumentacionin e origjinës. Ata kanë të bëjnë në lidhje me një sipërfaqe toke prej 100 Ha në zonën e Zvernecit.
Për këto vepra penale, mbi bazën e Vendimit Penal nr.1777, datë 09.10.2018, Gjykata e Shkallës së Parë Vlorë i ka caktuar masën e sigurisë “Arrest në burg”.
