Një trafikant shqiptar që u përpoq të kalonte kanalin midis Francës dhe Anglisë, në kushte një të ftohti të madh, me tetë persona në një gomone, ka dalë para gjykatës në Britani.
Ai, ndryshe nga personat e tjerë që ndodheshin në gomone, ishte veshur me mushama dhe një xhaketë shpëtimi.
Por kur profesionisti u ndal, Afrim Xhekaliu pretendonte se ai ishte thjesht një nga ata që kërkonin të hynin në Britani.
41-vjeçari kishte qenë i aftë që të mbante në kontroll anije e bllokuar në mes të detit, ndërsa një avion shpëtimi gjeti grupin e shqiptarëve më 31 janar, të këtij viti në det të hapur.
Por, thirrjet për ndihmë të bëra nga ana e Xhekaliut në numrin 999 rreth orës 5: 50, kishin alarmuar autoritetet britanike.
Nga ana tjetër e telefonit ishte dëgjuar zëri i Xhekaliut i cili kishte thënë: ‘Ne jemi në mes të detit. Ne jemi në një varkë … valët janë shumë të mëdha këtu “.
Menjëherë autoritet i janë përgjigjur thirrje ku me anë të një helikopteri kërkim-shpëtimi, u kanë shkuar në ndihmë shqiptarëve, të cilët ishin bllokuar në mes të detit. Ata gjithsej ishin 9 persona në një gomone të vogël.
Xhekaliu, i cili mohon se ndihmon hyrjen e paligjshme të emigrantëve shqiptarë në Britani të Madhe, u gjet me shtatë burra dhe një grua, dhe gomonia e tyre pas shpëtimit u dërguan në portin e Eastbourne, East Sussex.
Kelly Brocklehurst, duke ndjekur akuzat në Gjykatën Lewes Croën, tha: “Ai kishte një veshje ndryshe nga të tjetër. Të gjithë personat e tjerë ishin lagur nga dallgët e detit. Ndërsa ai kur u mor nga helikopteri nuk ishte pothuajse fare i lagur. Ai dhe një tjetër kishin qenë të veshur me xhaketa shpëtimi. Kishte nëntë persona në gomone dhe vetëm dy ishin të veshur me xhaketa shpëtimi dhe veshje të përshtatshme për kushtet.
Ata ishin të veshur ndryshe nga anëtarët e tjerë. Xhekaliu kishte veshur një mushama. Shtatë prej tyre në bord ishin të veshur me veshje shumë të lehta, të rastësishme. Ishte sikur të ishin të veshur për një natë jashtë”.
Jonathan Agate, pjesë e stafit të ambulancë që trajtoi shqiptarët, tha se Xhekaliu ishte i përgatitur mirë për kushtet dhe në shëndet ishte shumë më të mirë se sa pasagjerët e tjerë. “Ai kishte veshur një mushama dhe rroba të padeportushme nga uji”, tha zoti Agate. “Ai ishte i veshur mirë për kushtet”.
‘I dyti [person i trajtuar] i cili nuk ishte veshur aq mirë sa Xhekaliu, kur u mor me ambulancë kishte presion të ulët të gjakut. Ai ishte veshur me xhinse, një xhaketë xhins dhe çizme”.
Xhekaliu u tha paramedikeve se ai qëndronte në Britani jo-ligjërisht, por kishte një banesë në Barnet, në veri të Londrës, të cilën e ndante me partneren e tij. Ai pretendoi se kishte udhëtuar në Shqipëri për të marrë pjesë në funeralin e nënës së tij dhe se ai kishte kërkuar azil në Britani. Ai tha se kishte udhëtuar në Britani të Madhe në një kamion nga Brukseli në vitin 2013.
Kur u pyet nga oficeri i kufirit i Newhaven Victoria Horton rreth rolit të tij në kalim, Xhekaliu tha: ‘Por unë isha në barkë si gjithë të tjerët’.
Pamjet e bëra publike të gomones ishin që përdorën shqiptarët u gjetën në telefonin celular të Xhekaliut, së bashku me mesazhet me tekst në gjuhën shqipe të dërguara atij duke pyetur se sa kushtonte transporti për në person drejt Mbretërisë së Bashkuar.
Gjykata tha se dy nga ata që ishin në bord ishin deportuar, ndërsa pjesa e mbetur kishte kërkuar azil në Britani të Madhe. Gjyqi vazhdon.
Burimi: Daily Mail
Përshtati: Tirana Today
