Një ditë më parë mediat italiane raportuan se një shqiptar ishte gjetur i vranë brenda një makine në Perugia të Italisë. Sipas tyre viktima është Eduart Kozi 50 vjeç, i cili kishte marrë një plumb në kokë. Viktima dyshohet se është një nga grabitësit e një ngjarje të ndodhur ditën e djeshme në Ponte Felcino, ku disa persona grabitën një dyqan cigaresh.
Shqiptari është gjetur pa jetë brenda një mjeti tip “Audi A4” të braktisur në anë të rrugës. Autoritet italiane bëjnë të ditur se viktima kishte ende maskën dhe dorezat që kishte përdorur në grabitje. Ai dhe bashkëpunëtorët e tij u arratisën me automjetin tip Audi, por në ndjekje të tyre u vendos policia dhe një roje. Gjatë ndjekjes pati edhe shkëmbim zjarri.
Është e paqartë nëse shqiptari u vra nga plumbat e karabinierëve apo të policisë. Grabitësit braktisën makinën me trupin e pajetë të shqiptarit të vrarë. Policia vazhdon ende hetimet për këtë ngjarje, si dhe për të arrestuar grabitësit e tjerë.
