Një aksident i rëndë mësohet të ketë ndodhur pasditen e sotme në aksin rrugor Laç-Mamurras.
Bëhet me dije se një makinë ka dalë nga rruga dhe është përplasur më një bordurë. BalkanWeb raporton se si pasojë e këtij aksidenti ka mbetur i vdekur shoferi 24-vjeçar, Florja Tafa.
Ndërkohë policia ka shkuar në vendngjarje dhe po punon për zbardhjen e shkaqeve të aksidentit.
Njoftimi i policisë:
“Rreth orës 16:15, në aksin rrugor Laç-Mamurras, në fshatin Zheji, Kurbin mjeti tip “Benz” ka dalë nga rruga , ku për pasojë ka humbur jetën drejtuesi i mjetit shtetasi F.S.,24 vjeç, banues në Bushnesh, Krujë”- njofton policia.
