Christiane Hohmann është emëruar kryetare e Delegacionit të BE-së në Shqipëri, duke zëvendësuar në këtë detyrë Luigi Soreca-n. Ajo është aktualisht ambasadore e Gjermanisë në Estoni, dhe më parë ka shërbyer si ambasadore gjermane në Bosnjë-Hercegovinë. Josep Borrell, përfaqësuesi i Lartë i Bashkimit për Punë të Jashtme dhe Politikë të Sigurisë, njoftoi emërimin e 31 kryetarëve të delegacioneve të Bashkimit Evropian. Christiane Hohmann do të jetë kryediplomatja e re e BE-së në Tiranë.
“Christiane Hohmann është nominuar si Kryetare e Delegacionit të BE-së në Shqipëri. Ajo është aktualisht ambasadore e Gjermanisë në Estoni dhe më parë ka shërbyer si ambasadore gjermane në Bosnje dhe Hercegovinë”, njofton zyra e shtypit të BE.
