Zbardhen tjera detaje në lidhje me vrasjen në fshatin e Gjerbës në Mallakastër.
Mësohet se nipi me dy shokët e tij ka shkuar të vjedhë në shtëpinë e xhaxhait të tij por aty kanë gjetur gruan e tij 50-vjeçare, Drita Saliaj. Pas rezistencës të hasur nga ajo, tre djemtë e kanë lidhur me litar dhe e kanë hedhur në rezervuar.
Ndërkohë BalkanWeb raporton se tre të rinjtë e kanë pranuar vrasjen makabre në prani të psikologut dhe avokatit. Policia ka arrestuar 26-vjeçarin Ervis Zotkaj, dhe dy 16-vjeçarët, S. Sh. dhe L. S. (ky i fundit djali i vëllait të burrit të viktimës).
