Një 25-vjeçar, banues në Kukës, është arrestuar nga policia pasi ushtroi dhunë ndaj të atit.
Në pranga ka rënë shtetasi Armand Hallaci, i cili sipas policisë ka goditur me grushte në fytyrë babin e tij, shtetasin Z.H., 52 vjeç, duke i shkaktuar dëmtime të lehta.
NJOFTIMI I POLICISË:
Më datë 03.09.2017, nga specialistët e Seksionit për Hetimin e Krimeve në Komisariatin e Policisë Kukës, u bë arrestimi në flagrancë i shtetasit:
-Armand Hallaci, 25 vjeç, banues në Kukës.
Arrestimi i këtij shtetasi u bë pasi, në banesë, për motive të dobëta ka ushtruar dhunë fizike, ndaj babait të tij, shtetasit Z.H., 52 vjeç, duke e goditur me grushte në fytyrë, ku për pasojë i ka shkaktuar dëmtime të lehta.
Materialet i kaluan Prokurorisë së Rrethit Gjyqësor Kukës, për veprën penale “Dhuna në familje”, parashikuar nga neni 130/a i K.Penal.
