Një avokat ka rënë në pranga, pasi ka mashtruar familjarët e një të ndjeri duke mos iu dorëzuar dëmshpërblimin për dëmin shëndetësor.
I arrestuar është shtetasi Myrteza Myftari, 56 vjeç, banues në Tiranë, i cili akuzohet për shpërdorim detyre. Avokati mashtrues ka marrë një shumë prej 2 722 424 lekë të reja, si dëmshpërblim për dëmin shëndetësor me pasojë vdekjen për shtetasin F.R., shumë të cilën nuk ia ka dorëzuar familjes të së ndjerit.
NJOFTIMI I POLICISË:
Tiranë.
Arrestohet një shtetas (avokat), për mashtrim.
Mashtron familjarët e të ndjerit duke shpërdoruar detyrën dhe nuk iu dorëzon dëmshpërblimin për dëmin shëndetësor.
Shërbimet e Policisë të Drejtorisë Vendore Tiranë, më datë 30.09.2017, arrestuan shtetasin :
– M.M, 56 vjeç, banues në Tiranë.
Ky shtetas është arrestuar, pasi shtetasi M.S., ka bërë kallzim në ambientet e policisë Tiranë, ku deklaron se shtetasi M.M, me profesion avokat, më datë 02.05.2013, ka marrë një shumë prej 2 722 424 lekë të reja, si dëmshpërblim për dëmin shëndetësor me pasojë vdekjen për shtetasin F.R., shumë të cilën nuk ia ka dorëzuar familjes të së ndjerit.
Materialet iu referuan Prokurorisë së Rrethit Gjyqësorë Tiranë, në ngarkim të shtetasit të lartpërmendur për veprat penale “Shpërdorim detyre” dhe “Mashtrim”, parashikuar nga nenet 248 dhe 143 / 3 të Kodit Penal.
