Zbardhen detaje nga përplasja me armë që ndodhi mbrëmë në zonën e Kinostudios në Tiranë. Policia bën me dije se kanë mbetur te plagosur me armë zjarri tre persona, njëri prej të cilëve në gjendje të rëndë shëndetësore.
Ndërsa mësohet se tre personat që kanë mbetur të plagosur janë identifikuar si Rivelino Mumajesi, 36 vjeç; Ibrahim Durollari, 28 vjeç dhe Juxhin Mumajesi, 24 vjeç.
Informacioni paraprak
Më datë 28.06.2018, rreth orës 23:54 në rrugën “Aleksandër Moisiu”, kanë mbetur të plagosur me armë zjarri nga persona ende të paidentifikuar, shtetasit J. M., 24 vjeç, R. M., 36 vjeç dhe I. D., 28 vjeç.
Shtetasit e dëmtuar aktualisht ndodhen në spital ku po marrin ndihmë mjekësore (dy nga të dëmtuarit ndodhen jashtë rrezikut për jetën, ndërsa një në gjendje më të rëndë shëndetësore).
Po punohet identifikimin dhe kapjen e autorëve dhe për zbardhjen e shkakut dhe rrethanave të ngjarjes.
