Ka marrë fund arratia e njërit prej 3 shqiptarëve të arratisur nga një qendër paraburgimi vetëm pak ditë më parë në Greqi.
Policia greke bën të ditur se ai është ndaluar në orët e para të mëngjesit të sotëm në vendin e quajtur Kitsi Koropi.
Duke ju referuar mediave në Greqi bëhet me dije se në pranga është vënë Gertian Vrushaj, 24 vjeç nga Shqipëria.
Ai ishte rrethuar në një zonë jo shumë larg vendit të arratisjes.
Sipas mediave, Vrushaj është kapur i fshehur në një dollap rrobash, pasi e kishte marrë vesh se po rrethohej nga policia.
“Ishin kthyer në tmerrin e pronarëve të banesave në të gjithë Atikën”. Kështu shkruajnë mediat greke për 5 shqiptarët e arrestuar për mbi 70 vjedhje. Tre prej tyre arritën të largoheshin në datë 19 Qershor nga qelitë e paraburgimit të një komisariatit në periferi të Athinës.
Të arrestuarit janë:Panajot Mahmutaj, Radjon Harizi, Endrit Tahir, Marjus Dedolli dhe Gertian Vrushaj.
Shqiptarët janë të moshën 34 vjeç deri në 47 vjeç. Mësohet se vlera e vjedhjeve të tyre shkonte mbi 400 mije euro.
Ditën e martë tre shqiptarët u arratisën në orët e para të mëngjesit nga qelitë e paraburgimit të një komisariatit në periferi të Athinës. Ata u hodhën nga qelia e ndodhur në katin e dytë të ndërtesës, pasi kishin prerë me sharrë hekurat e dritares së qelisë. Bëhet fjalë për një lartësi 10 metra nga toka.
Radjon Harizi
Panajot Mahmutaj
Endrit Tahir
Gertian Vrushaj
Marjus Dedolli
