Dy shtetas të dënuar përkatësisht me 8 dhe 6 vite burg për veprat penale “Shfrytëzimi i prostitucionit” dhe “Dhuna në familje” janë ekstraduar nga Greqia në drejtim të Shqipërisë.
Interpol Tirana ka bërë ekstradimin në Rinas pasi këta dy shtetas ishin shpallur në kërkim. Konkretisht:
1.Në PKK Rinas, u ekstradua nga Greqia dhe u dorëzua në Drejtorinë e Përgjithshme të Burgjeve Tiranë, shtetasi Artan Prenga, vjeç 39, banues në Rrëshen, pasi Gjykata e Apelit Shkodër, e ka dënuar me 8 vjet burg, për veprën penale “Shfrytëzimi i prostitucionit”, në rrethana rënduese në bashkëpunim bazuar në nenet 114/a pika 1 dhe 25 të Kodit Penal.
2. Më datë 05.09.2017, në PKK Rinas, u ekstradua nga Greqia dhe u dorëzua në Drejtorinë e Përgjithshme të Burgjeve Tiranë, shtetasi Ajet Kariçi, vjeç 43, banues në Durrës, pasi Gjykata e Apelit Durrës, e ka dënuar me 6 muaj burg për veprën penale “Dhuna në familje” bazuar në nenin 130/a i Kodit Penal.
