Dalin detaje të reja sa i përket ngjarjes së rëndë që ndodhi në lumin e Vjosës, ku dy gra i mori rrjedha e lumit dhe njëra prej tyre ndërroi jetë.
Mësohet se gruaja që humbi jetën është Eli Beqiri, rreth 50 vjeç, ndërsa Selime Shehu ndodhet nën kujdesin intensiv të mjekëve në spitalin e Gjirokastrës.
Dy gratë nga Këlcyra kishin dalë si çdo ditë tjetër për të mbledhur bimë medicinale, por teksa po tentonin të kalonin lumin e Vjosës, rrjedha i ka marrë përpara, duke shkaktuar edhe vdekjen e 50-vjeçares.
Kjo ngjarje e rëndë u regjistrua në fshatin Dragot, pothuajse në të njëjtin vend ku vetëm disa ditë më parë humbi jetën një 17-vjeçar nga Këlcyra.
