Prokuroria e Tiranës ka urdhëruar arrestin me burg të pesë zyrtarëve të Agjensisë Kombëtare të Burimeve Natyrore dhe një e ka lënë në arrest shtëpie.
Arrest me burg është dhënë për Denis Durrsin, Qani Hoxhajn, Simon Markun, Arben Dodajn, Naim Kasën, ndërsa arrest shtëpie është dhënë për Rezarta Sulejmanin.
Ata akuzohen për “mashtrim me pasoja të rënda”, “Shpërdorimi i detyrës”, “Moskryerja e detyrave nga organet tatimore”, “Mashtrimi” i kryer në bashkëpunim, “Kondrabanda me mallra për të cilat paguhet akcizë ose me pezullim të plotë ose të pjesshëm nga detyrimet doganore ose të akcizës”, “Fshehja e të ardhurave”.
Hetimi mësohet se ka nisur prej disa muajsh, ndërsa së fundi Prokuroria ka vendosur të urdhërojë arrestimin e zyrtarëve të dyshuar.
