Për ata që nuk e mbajnë mend, para se të martohej me Belen Rodriguez, Stefano De Martino ishte i fejuar me Emma Marrone.
Këngëtarja dhe balerini u njohen gjatë talent show ‘Amici’ të Maria De Filippi dhe qëndruan së bashku për rreth dy vjet.
Megjithatë, Stefano kur njohu Belen, u nda me Emma-n. Të shumtë janë zërat që thonë se balerini dhe showgirl-ja argjentinase patën një lidhje ndërkohë që Stefano ishte akoma në një marrëdhenie me Emma-n.
Aktualisht Belen dhe Stefano janë të martuar dhe kanë një djalë të quajtur Santiago.
Emma mori së fundmi pjesë në një lidhje direkte në Instagram me prezantuesin e radios, Luca Bianchini. Formati i intervistës quhet #50domandecattive, një intervistë vetëm me pyetje “të pakëndshme”.
Pasi u përgjigj pyetjeve të Luca Bianchini, Emma Marrone iu përgjigj disa pyetjeve nga fansat që e dëgjonin.
Dhe ishte një ndjekëse që i bëri pyetjen më të pakëndshme nga të gjitha: “Belen-in e ke falur?”.
Përgjigja e Emma-s ishte kjo: “Absolutisht, por unë nuk kisha pse të falja Belen për ndonjë gjë … ajo nuk ka bërë asgjë të keqe. Le ta themi në këtë mënyrë ”.
