Këshilltari i kryeministrit për mediat, Endri Fuga merr një tjetër post të rëndësishëm. Gjatë mbledhjes së sotme të qeverisë, kreu i ekzekutivit ka firmosur vendimin, që krahas postit të këshilltarit , ai do të jetë edhe në postin e anëtarit mbikëqyrës të Agjencisë për Mbështetjen e Shoqërisë Civile.
Krahas Fugës, që tashmë do të jetë në dy poste paralelisht, si anëtarë të tjerë të agjencisë dhe kolegë/e të këshilltarit të Ramës do të jenë edhe tre emra të tjerë.Sakaq, emrat që do të kenë veprimtarinë e punës në këtë agjenci janë; Gelardina Prodani dhe Oltjon Muzaka dhe Majlinda Dhuka. Endri Fuga para se të merrte postin drejtues të këshilltarit për media të kryeministrit Rama, ka qenë pjesë e lëvizjes “Mjaft”.
Ai ka dhënë një kontribut të konsiderueshëm me lëvizjen “Mjaft”, ndërsa pjesë të saj kanë qenë edhe figura të tjera, siç është Erion Veliaj, Elisa Spiropali etj. Fuga ka folur për mediat, ku bën të ditur se për këtë kujdeset personalisht duke luajtur syrin dhe veshin e qeverisë Rama, në postin e këshilltarit për mediat.
