Modelja shqiptare me famë botërore Emina Çunmulaj ishte e ftuar mbrëmjen e sotme në “Xing me Ermalin”. Ajo është shumë e komentuar në media e rrjete sociale. Mediat rozë tregojnë shumë interes për martesën e saj me miliarderin iranian Sam Nazarian.
Gjatë emisionit, Emina tregoi se me bashkëshortin është njohur në ishujt e Karaibeve. Çifti u martuan në vitin 2015 dhe sot janë prindër të dy vajzave.
“Isha me shokun tim më të mirë që është grek dhe me familjen e tij. Ndërsa burri ishte me një grup shoqërie. Në tavolinën e burrit në restorant ishte një stiliste që punon në një shtëpi mode, njiheshim, erdhi dhe më takoi. Ishte dita pas vitit të ri. Më pyeti çfarë po bëni.
I thashë po flasim për dëshirat që kemi për vitin e ri. Dëshira ime ishte të gjeja dikë që t’ja jepja zemrën se isha beqare prej vitesh. Isha 24 vjeç. Ajo më tha hajde ta prezantoj një dale, jo i thashë unë se jam me familjen e shokut. Po çoheshin ata nga tavolina dhe shoh këtë djalin pra burrin që ishte 2 metra. U kthye ai bashkë me atë vajzën dhe erdhën tek tavolina jonë.
Shoku im e takoi, e njihte dhe po bisedonte për disa të njohur grek. I përshëndeti ai familjen e shokut tim dhe kur erdhi radha tek unë më dha dorën dhe më tha ‘Jam Sam’. Përshëndetje jam Emina i thashë. ‘Je greke?’, më pyeti. Mua gjaku po më ziente nga brenda se jam patriote. ‘Jo, pse?’ e pyeta unë dhe shtrembërova fytyrën. Më pa çuditshëm dhe tha ‘Të vjen era djathë’ dhe iku. E kam qejf djathin, e ha shumë. Pastaj pjesa tjetër është histori”, tregoi Emina.
