Hije të shumta dyshimi janë hedhur mbi aksidentin me avion, që i mori jetën sulmuesit argjentinas, Emiliano Sala dhe pilotit në kanalin e La Manshit më 21 janar. Pas dyshimeve të forta nga ana e së fejuarës, të publikuara dhe më pas të fshira nga rrjetet sociale, tashmë është kushëriri i Emiliano Sala që hedh hije dyshimi mbi vdekjen e sulmuesit 29-vjeçar.
“Emilianon e kanë vrarë. Në këtë histori ka disa gjëra që nuk qëndrojnë, është diçka e bërë nxitimthi. Dua të kuptoj përse ka qenë i detyruar të hipë në atë avion. Ishte një lojtar i rëndësishëm dhe e lanë vetëm, pa pasur me vete asnjë përfaqësues”, deklaron Matias Gati, kushëriri i sulmuesit argjentinas, që më pas shton.
“Policia duhet të hetojë në pikat e errëta të historisë, duam drejtësi. Duhej të kishte udhëtuar në kushte të tjera. Nuk e dimë as nëse ai avion i kishte kushtet e duhura për të kaluar La Manshin. Askush nuk do të na e kthejë Emilianon pas, por nëse dikush ka gabuar, duhet të paguajë”.
