Një shtetas pakistanez ka gjetur vdekjen në një aksident rrugor në autostradën “Durrës – Tiranë”.Policia thotë se aksidenti ka ndodhur rreth orës 00:40, ndërsa viktima është shtetasi me iniciale N.R.
Ai po udhëtonte si pasagjer në mjetin tip “Mercedez Benz” që drejtohej nga Sabah Maçi, 25, vjeç, lindur në Has e banues në Angli.
Ky i fundit ka humbur kontrollin e drejtimit të mjetit dhe është përplasur me mjetin tip “Volksvagen”, me drejtues shtetasin B. Ll., ku për pasojë ka gjetur vdekjen pasagjeri i mjetit tip “Mercedes Benz”, shtetasi i huaj N. R., ndërsa drejtuesi Sabah Maçi ka pësuar dëmtime të lehta dhe ndodhet jashtë rrezikut për jetën.
Policia bëri arrestimin në flagrancë të 25-vjeçarit Maçi.
