Këngëtarja Elvana Gjata është shpallur në kërkim policor. Kjo pas ngjarjes së rëndë të 4 tetorit, në ish-Bllok, ku mbeti i vrarë një person dhe u plagosën dy të tjerë. Asaj i është lënë një afat kohor prej 30 ditësh për t’u paraqitur në polici dhe për të bërë deklarimet e saj për ngjarjen.
Prokuroria ka urdhëruar shoqërimin e detyrueshëm të këngëtares, pasi dyshohet se Gjata është shkak për sherrin e ndodhur në ish-Bllok. Veç këngëtares, në kërkim janë i dashuri i Elvanës, Ervin Mata, komandoja Mevjol Bilo si dhe Fabio Alushi.
Këngëtarja Gjata, pas ngjarjes së rëndë, udhëtoi përmes aeroportit të Rinasit në një tjetër shtet, konkretisht në Mbretërinë e Bashkuar. Ajo është një nga dëshmitaret kyçe të sherrit, ndërsa pritet të dëshmojë për policinë, për zbardhjen e ngjarjes.
Por kush e ka pritur Elvanën në Britani?
Burimet thonë se këngëtarja është tronditur nga ngjarja e ndodhur në zonën e ish-Bllokut. Ajo vendosi të largohej disa kohë nga vendi jonë. Pasi ka dhënë dëshminë e saj në Drejtorinë e Policisë Tiranë për ngjarjen, ajo është larguar për në Angli. Burime pranë të afërmve të të fejuarit të saj bëjnë të ditur se Angli është edhe mamaja dhe motra e Ervin Matës. Ka shumë mundësi që këngëtarja tashmë të ketë gjetur ngrohtësi në krah të e vjehrrës dhe kunatës. Gjithashtu, mësohet se ajo do të shkonte në Angli bashkë me të fejuarin, por sulmi në Bllok u prishi planet. Ndërsa kujtojmë se mamaja e Matës kishte udhëtuar drejt Britanisë, përpara se të ndodhte ngjarja. Ajo kishte shkuar atje, pasi vajza e saj po ndjek studimet.
Deri më tani, këngëtarja nuk ka bërë asnjë reagim për ngjarjen në fjalë. Pak kohë më parë, këngëtarja Elvana Gjata pranoi publikisht se ishte fejuar me një biznesmen, pa zbuluar emrin e tij. Për Matën dihej vetëm se kishte një hotel dhe se ishte i gatshëm të mbulonte shpenzimet e këngëtares.
Fejesa
Elvana foli për fejesën për herë të parë kur ishte në SHBA. Ajo atje mundohej të realizonte disa projekte të reja muzikore. Elvana njihej dhe ishte në një lidhje me biznesmenin Mata që prej vitit 2015 dhe zyrtarizmi i fejesës erdhi në vitin 2017
Elvana shijonte lidhjen e saj me udhëtime të shumta dhe shpenzime marramendëse, sepse partneri i saj nuk kursente asgjë për të plotësuar këngëtaren në çdo aspekt. Dhe kështu, Elvanës nuk i mungonte asnjë gjë për të jetuar si në përrallë. Ishte pikërisht partneri i saj, i cili investoi në biznesin e fustaneve “Altar”, që shumë shpejt këngëtarja e shiti. Ndërkohë, ishte ai, që shpenzonte shuma të mëdha parash për fillimin e karrierës së Elvanës në Shtetet e Bashkuara të Amerikës.
Kujtojmë që ajo festoi një 30-vjetor përrallor me shpenzime që kapën 20 mijë euro vetëm për udhëtimet e fundjavave. Pas klipit “Lelja” dhe mbylljes së epokës dashuri & muzikë me Flori Mumajesin, këngëtarja e njohur, Elvana Gjata, hyri në një fazë të re të jetës, që nga rrëfimet e miqve të afërt është vërtet si në përralla. Mirëpo, edhe kjo fazë nuk zgjati shumë, teksa i dashuri i këngëtares tashmë është në kërkim nga Policia./TIRANA TODAY/
