Elvana Gjata duket se rikthimin e saj do ta bëjë me koncerte. Pas një heshtje të gjatë, këngëtarja Elvana Gjata ka dhënë ‘shenja jete’. Rikthimi i saj do të jetë me koncerte.
Pas incidentit që ndodhi lidhur me përfshirjen e të fejuarit të saj në vrasje, ajo u largua nga Shqipëria. Së fundmi një gjë ka tërhequr vëmendjen e publikut.
Në kanalin zyrtar të artistes në ‘YouTube’, kanë filluar të shiten biletat për koncertet, që pritet t’i mbajë Elvana më 3 dhe 6 maj të vitit 2019, në New York dhe Filadelfia.
Koncerti i datës 3 maj do të mbahet në një lokal në parkun e Asbury-t, nga ora 19:00. Ndërsa, koncerti në Filadelfia më 6 maj do të fillojë nga ora 20:00.
Pak ore orë pas vrasjes, këngëtarja ishte nisur jashtë vendit. Në fund të nëntorit, mediat zbuluan rrëfimin e këngëtares Elvana Gjata dhënë në policinë e Tiranës, në ambientet e Drejtorisë së Policisë Vendore Tiranë.
Për 40 minuta qëndrim në policinë e Tiranës, Gjata ka pranuar se ishte e pranishme në 4 tetor 2018 në zonën e ish-bllokut në Tiranë. Artisja e skenës shqiptare ka rrëfyer se ishte para lokalit “Monopol”, pasi i kishte dhënë çelësin e shtëpisë të fejuarit të saj, Ervin Mata. Takimi mes tyre është realizuar në trotuar, në ish-Bllok. Sipas dëshmisë së saj, në këtë moment janë afruar disa djem dhe i kanë folur të fejuarit të saj, me të cilin kanë filluar të shtyhen.
Në këto momente dyshohet se personat që u konfliktuan me Ervin Matën e kanë sharë këtë të fundit, duke i përmendur edhe të fejuarën, e kjo ka sjellë agravimin e konfliktit, teksa në ndihmë të Matës ka shkuar edhe Marviol Bilo. Personat e tjerë janë larguar në drejtim të Sky Tower. Në bazë të dëshmive të personave të pyetur, por edhe hetimeve nga grupi hetimor, rezulton se shkak për sherrin nuk ka qenë ngacmimi i këngëtares, por një sherr i mbartur i të fejuarit të saj, Ervin Mata, me disa persona të tjerë, ku përmendet emri i biznesmenit Eldi Dizdari.
Ky është edhe momenti kur Elvana Gjata mendohet se është larguar me makin nga rrugica përballë lokalit “Monopol”, në ish-Bllok. Këngëtarja ka sqaruar se këta djem nuk i njihte dhe nuk i kishte parë ndonjehërë. Këtu me siguri ajo i referohet konfliktit të bashkëshortit të saj me biznesmenin Eldi Dizdari, i cili është shpallur në kërkim për këtë ngjarje.
