Me shumicë votash, Kuvendi ka miratuar dy anëtaret e reja të Gjykatës Kushtetuese.
Kuvendi ka votuar Elsa Toskën dhe Fiona Papajorgjin, si anëtare të Gjykatës Kushtetuese. Arta Vorpsi është shpallur e emëruar që më herët si anëtare të Gjykatës Kushtetuese. “Procedura është bërë sipas Kushtetutës”, është shprehur Ruçi.
Ruçi ka njoftuar se Besnik Muçi është anëtar i Kushtetueses, pasi ai është dekretuar nga Meta.
Mazhoranca dhe opozita e re kanë bashkuar votat sot Parlament, për të zgjedhur 4 anëtarët e rinj të Gjykatës Kushtetuese.
Parlamenti ka marrë sot kompetencën e Kreut të Shtetit, Ilir Meta, duke quajtur të miratuar pa votim, Arta Vorpsin, si anëtare të Gjykatës Kushtetuese.
Sot janë votuar 2 kandidatet e vetme në listë.
Elsa Toska ka marrë votat e 105 deputetëve të pranishëm në Parlament, 2 vota kundër dhe 9 vota abstenim.
Fjona Papajorgji mori 105 vota pro, 3 kundër dhe 8 vota abstenim.
