Elon Musk vazhdon të japë ndihmën e tij.
Inxhinieri 48-vjeçar dhe CEO i Tesla-s tashmë ka dhuruar 1,255 ventilatorë në spitalet në Kaliforni në luftën kundër krizës shëndetësore të vazhdueshme – dhe tani, ai është gati të dhurojë edhe më shumë!
Lajmin e bëri të ditur vetë ai me anë të një postimi në twitter ku shkruajti: “Kemi ventilatorë shtesë të aprovuar nga FDA. Do t’i dërgojmë në spitale në të gjithë botën brenda rajoneve të ofrimit të Tesla-s.
Pajisja dhe kostoja e transportit janë falas. Kërkesa e vetme është që ventilatoret duhet të përdoren menjëherë për pacientët, jo të ruhen në një depo. Ju lutem të na njoftoni”.
Guvernatori i Kalifornisë,Gavin Newsom konfirmoi dhurimin e mëparshëm të Elon Musk në një konferencë për shtyp javën e kaluar.
