Më herët, aktorja Delinda Disha konfirmoi se nuk do të ishte pjesë e Klanifornias. Por siç duket, s’do të jetë e vetmja aktore që do të largohet nga ky show, pasi ka konfirmuar largimin edhe aktorja Eliona Pitarka.
Pitarka ka bërë të ditur se nuk ka informacion lidhur me datën se kur do të nisë “Klanifornia”, pasi ajo nuk do të jetë më pjesë e spektaklit të humorit.
“Në fakt nuk kam info të saktë për datën, pasi unë nuk do të jem më pjesë e Klanifornias”, ka shkruar Eliona duke konfirmuar kështu largimin e saj.
Prej vitesh, Eliona Pitarka ka qenë pjesë e kastit të emisioneve të humorit që kanë pasur si producent Turjan Hyskën. Fillimisht ajo u bë e njohur si pjesë e Apartamentit 2xl, për të vazhduar më pas në “Duplex” dhe deri tek programi që mori formën e kabaresë “Klanifornia” në TV Klan.
