Ditën e djeshme, këngëtarja Era Istrefi performoi krah dy yjeve botërore gjatë finales së kampionatit të futbollit, ku Franca u shpall kampione e botës. Ajo elektrizoi skenën në stadiumin e Rusisë duke shkëlqyer me performancën e saj të cilën e pa e gjithë bota.
Këtë eksperiencë të paharrueshme, Era e ndau me ndjekësit në Instagram, ku publikoi një foto me përshkrimin “Sapo performuam në Kupën e Botës 2018 me Will Smith dhe Nicky Jam. Çfarë momenti i pabesueshëm.”
Suksesin e Erës e ka ndjekur edhe këngëtarja shqiptare Dua Lipa, e cila vendosi ti thotë dy fjalë Erës në postimin e saj. “Bravo Era.”- i ka komentuar Dua në foto, duke i vënë edhe një zemër të kuqe.
