Përpos pritshmërive, FRD ia ka dalë që të marrë mbështetjen e qytetarëve në Elbasan. Fitorja ka qenë e thellë, pasi ka nxjerrë dy kandidatë për Këshillin Bashkiak, duke marrë parasysh edhe faktin se ka qenë jashtë koalicioneve.
Profesori i njohur dhe drejtori i gjimnazit ‘Kostandin Kristoforidhi’, Ermir Çela dhe Rudina Gjyzeli do të jenë anëtarë të Këshillit Bashkiak nën siglën e kësaj partie.
Kryetari i Partisë për Elbasanin, Art Kovaçi, njëkohësisht dhe nënkryetar i Bashkisë, është një forcë e pashtershme e rritjes eksponenciale të kësaj partie të drejtuar nga Bamir Topi. Si rrallë herë, një parti jashtë koalicioneve ka marrë dy këshilltarë.
