Makina e një 34-vjeçari është djegur tërësisht gjatë natës, e ngjarja ka ndodhur në Elbasan. Në sajë të hetimeve të para, dyshohet se ngjarja është aksidentale, e ndërsa pronari i mjetit ka konfirmuar se nuk ka konflikt me askënd.
Rasti në fjalë është shënuar në lagjen “Çlirimi”, dhe makina e djegur është tip “Porsh”, me targa AA 177 TK, në pronësi të shtetasit me inicialet M.M, 34-vjeç, banues në lagjen “11 Nëntori”, Elbasan.
Sipas policisë, makina ishte e parkuar në ish-terminalin e autobusëve dhe si pasojë e flakëve, mjeti ishte pjesërisht i shkrirë.
Në vendngjarje ka shkuar grupi hetimor, ndërsa pronari nuk ka dyshime se mjeti mund të jetë djegur qëllimisht. Dyshohet se mjeti është përfshirë nga flakët, nga një shkëndijë elektrike.
Nga ana e uniformave blu, vijojnë hetimet për zbardhjen e plotë të rrethanave dhe shkakut të rënies së zjarrit.
