Sot në Elbasan është djegur një makinë, nga persona ende të paidentifikuar. Ngjarja është regjistruar në lagjen “Qemal Stafa”. Mësohet se makina i përket shtetasit me inicialet A.H, 61 vjeç, pedagog në Universitetin e Elbasanit. Mjeti që ishte parkuar jashtë banesës së pedagogut, iu vu zjarri në mënyrë të qëllimtë. Sipas burimeve policore, persona ende të paidentifikuar kanë lyer si fillim makinë me lëndë djegëse e më pas i kanë vënë flakën. Ndërkohë, po hetohet lidhur me ngjarjen në fjalë dhe identifikimin e kapjen e autorëve.
NJOFTIMI I POLICISË
Më datë 29.08.2017, në Lagjen “Qemal Stafa” është marrë njoftim nga salla operative për djegien e një mjeti. Menjëherë, shërbimet e policisë shkuan në vendngjarje dhe nga veprimet e para hetimore, konstatuan se mjeti ishte i parkuar para derës së banesës së shtetasit A.H., 61 vjeç banues në Elbasan dhe është në pronësi të tij. Mjeti dyshohet të jetë djegur nga persona të paidentifikuar me lëndë djegëse. Grupi hetimor, vazhdon punën intensivisht për zbardhjen e plotë të rrethanave të ngjarjes, identifikimin dhe kapjen e autorit/ve. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi I pronës me zjarr” parashikuar nga neni 151 i Kodit Penal.
