Thanas Beko ka rënë sërish në prangat e policisë së Elbasanit. Gjykata dha masën e sigurisë “Arrest shtëpie” pak ditë më parë për 32-vjeçarin. Ky i fundit, është një nga personat që morën peng dhe dhunuan taksistin Andi Vyshka, i afërm i gjyqtares së këtij qyteti, Zamira Vyshka.
Beko, së bashku me Ertis Skilja, 42 vjeç, morën peng në lokalin e këtij të fundit taksistin Vyshka, dhe pasi e kanë dhunuar për disa orë, i kanë marrë dhe shumën e 2 mijë eurove. Për të cilat, në dëshminë e dhënë në Polici, taksisti tha se i kishte për të paguar shkollën e vajzës.
Mirëpo, pavarësisht masës “arrest shtëpie”, Thanas Beko nuk i është bindur urdhrit të Gjykatës dhe është arrestuar në lokalin e shokut të tij, Ertis Skilja.
