Ish-shefi i sigurisë së brendshme të burgut Durrës, Bledar Toçi, i cili u arrestua në tetor të vitit 2019 për vrasjen e Dritan Haxhollit është liruar ditën e sotme nga burgu.
Mësohet se Gjykata e Kavajës e ka marrë këtë vendim 3 ditë më parë, duke e lëë Toçin në detyrim paraqitjeje.
Ish-punonjës i Gardës ishte në banesën e Marsida Qatjes në Kavajë mbrëmjen e 10 tetorit, teksa dyshohet se kjo e fundit kishte një lidhje me viktimën Dritan Haxholli.
Haxholli shkoi në banesë atë mbrëmje dhe u përplas me armë me Bledar Toçin. Si pasojë Dritan Haxholli humbi jetën, ndërsa Bledar Toçi mbeti i plagosur.
Dyshohet se mes tyre ka pasur edhe konflikte të mëparshme për çështje droge.
