Një konflikt i hershëm mes dy fiseve në Klos, i ka marrë jetën 17-vjeçarit të identifikuar si Kenado Shira dhe babait të tij, Liri Shira. Pasi vrau babë e bir në Klos, mësohet se është vetëvrarë autori i dyshuar i krimit të dyfishtë. Bëhet fjalë për Fiqiri Mjeshtri.
Kryepolici i Dibrës, Dhimitraq Ziu ka dhënë detaje lidhur me masakrën e ndodhur sot në Bashkinë Klos. Në një prononcim për mediat nga vendi i ngjarjes, Dhimitraq Ziu ka bërë me dije se janë dy viktima, babë e bir.
Ndërkohë që të plagosur kanë mbetur Englantin dhe Renato Hasula. Sa i përket autorëve të masakrës, bëhet me dije se janë tre, por njëri prej tyre, pas ngjarjes ka vendosur që t’i japë fund jetës.
“Sot ka ndodhur një ngjarje e rëndë. Ka dy viktima. Ka mbetur i plasorgur Renato dhe Eglantin Hasula. U bë e mundur kapja e tre personave, Fiqiri, Bakir dhe Besnik Mjeshtri. Fiqiri Mjeshtri ka ndërruar jetë, është vetëvrarë. Për të tjera sqarime do t’ju bëjmë me dije edhe më vonë”, tha ai.
