Një ngjarje e rëndë është shënuar në SHBA, teksa një këngëtar është qëlluar për vdekje gjatë kohës që po udhëtonte me makinë.
Reperi i njohur amerikan, Lil Marlo, është qëlluar me armë zjarri teksa po udhëtonte me makinë në Atlanta. Policia njoftoi se kishte marrë një telefonatë për aksident rrugor, por kur ka shkuar në vendngjarje ka gjetur 30-vjeçarin të pajetë.
“Nga të dhënat e para, dyshohet se viktima ka qenë shënjestra e këtij sulmi, ndërsa po punohet për zbardhjen e plotë të vrasjes”, njoftoi policia.
Marlo ishte një yll në rritje në labelin Quality Control Music, të cilit iu bashkua në vitin 2017.
Kompania muzikore postoi një imazh të këngëtarit në Instagram me fjalët: “U prehsh në paqe”.
