Familjarët e ish-policit që u ekzekutua në zonën e Xhamllikut në Tiranë, shkuan mbrëmjen e djeshme menjëherë në vendin ku ndodhi krimi. Mes tyre, ndodhej edhe nëna e 26-vjeçarit, e cila u afrua në vendin e ngjarjes, teksa i ndjeri po transportohej për në morg.
Nga pamjet publikuara, dallohet gjendja e saj e rënduar psikologjike.
Ndërsa, në një moment shihet duke u konfliktuar me punonjësit e policisë, për shkak se nuk janë lejuar paraprakisht të kalojnë brenda zonës së shiritit të sigurisë.
Ish-polici, Santiago Malko, u vra mbrëmjen e kaluar në kryeqytet, teksa udhëtonte me mjetin e tij tip “BMW X5” drejt zonës së Freskut, kur një furgon me ngjyrë të bardhë i ka hapur zjarr me kallashnikov tek ish-fabrika e Porcelanit, duke e shoqëruar me breshëri plumbash për disa metra.
Mësohet se në vendngjarje janë sekuestruar 9 gëzhoja. Ndërkohë, grupi hetimor ka ngritur pistat e para të hetimit.
