Gjykata e Apelit ka vendosur që të lirojë ditën e sotme Olsi Qalliajn, i cili u arrestua si i dyshuar për ekzekutimin e Jurgen Kurtit në mars të këtij viti.
Për mungesë provash, Apeli ka dhënë masën “detyrim paraqitje”. Në pranga për vrasjen e Kurtit ranë edhe dy persona të tjerë.
26-vjeçari Jurgen Kurti u qëllua për vdekje rreth orës 22:00 në datën 18 mars, tek sheshi ‘Wilson’, pranë stadiumit ‘Selman Stërmasi’.
Autorët e kanë qëlluar me armë zjarri nga një makinë në ecje, ndërsa i riu po lëvizte në këmbë në këtë zonë, dhe më pas janë larguar, duke përfituar edhe nga errësira.
Kurti kishte qenë i përfshirë më herët në vrasjen e të atit dhe të Agim Arapit në qytetin e Durrësit. Për të dyja këto ngjarje ai ishte shpallur i pafajshëm nga ana e Gjykatës.
