Zbardhen të tjera detaje lidhur me ekzekutimin e 40-vjeçarit, Hekuran Billa mbrëmjen e djeshme në zonën e Komunës së Parisit.
Policia dyshon se vrasja e tij është kryer me pagesë, ndërsa autorët e kanë gjurmuar viktimën për të mësuar lëvizjet e tij.
Autorët e kanë pritur 40-vjeçarin sa është ngritur nga lokali në zonë dhe në momentin që ai ka qenë në makinën e tij e kanë qëlluar me breshëri.
Bëhet me dije se në vendngjarje janë sekuestruar rreth 30 gëzhoja. Sipas BalkanWeb, arma mp5 automatike e përdorur në krim është e ngjashme me ato që përdor garda dhe është çuar në laborator.
Arma e përdorur nuk rezulton e regjistruar në Shqipëri. Gjithashtu edhe mjeti Benz me portobagazh nuk rezulton i regjistruar. Ndërsa targat e përdorura AA829 rezultojnë të jenë vjedhur një vit më parë në Lezhë.
