Policia ka zbardhur më shumë detaje në lidhje me ngjarjen që tronditi kryeqytetin pak minuta më parë.
Sipas njoftimit të policisë, ngjarja ka ndodhur në një rrugicë në afërsi të një lokali në Astir. Shtetasi V.T, rreth 28 vjeç është plagosur me armë zjarri dhe më pas ka gjetur vdekjen si pasojë e plagëve të rënda.
Njoftimi i policisë:
Rreth orës 20.45, në Astir, në një rrugicë, në afërsi të një lokali, në rrethana ende të paqarta është plagosur me armë zjarri shtetasi V.T, rreth 28 vjeç, i cili më pas ka gjetur vdekjen.
Menjëherë në vendngjarje kanë shkuar shërbimet e Policisë, të cilat kanë bërë rrethimin e zonës në një perimetër të gjerë.
Janë ngritur pika kontrolli në të gjitha akset rrugore si dhe vijon puna nga grupi hetimor për sqarimin e rrethanave të ngjarjes, grumbullimin dhe fiksimin e çdo prove që do çojë në zbardhjen e ngjarjes, identifikimin dhe arrestimin e autorëve
