Interpol Tirana ekstradoi nga Holanda Fatmir Pjetrin, 33 vjeç, i lindur në Pukë, i dënuar me 30 vjet burg, anëtar i një grupi të strukturuar kriminal në fushën e vjedhjes me armë.
Pjetri ishte shpallur në kërkim ndërkombëtar dhe dënuar në vitin 2018 me vendim gjykate për krime të rënda për vjedhja me armë e kryer në bashkëpunim, për pjesëmarrje në grup të strukturuar kriminal dhe kryerje të veprave penale nga organizata kriminale dhe grupi i strukturuar kriminal.
Fatmir Pjetri ka qenë pjesë e një grupi kriminal të ashtuquajtur “Babagjyshët”, të cilët gjatë periudhës Janar-Dhjetor të vitit 2013 dhe në vazhdim,grabitën me armë disa argjendari në qytetet e Tiranës, Laçit, Fushë-Krujës, Kuçovës dhe Durrësit.
