Ish-kryeministri, Sali Berisha ka komentuar sonte ekstradimin e Izet Haxhias duke e quajtur atë vrasës dhe kriminel. I ftuar në emisionin “360 grade” në “Ora neës” Berisha sqaroi se Rama i ka premtuar hapjen e çështjes për vrasjen e Azem Hajdarit, pori lideri historik i PD-së deklaroi me kompetencë se nuk mund të hap qeveria çëshjet por drejtësia.
Berisha e krahasoi Izet Haxhian me kriminelë si Lul Berishën dhe Emiljano Shullazin.
“Një kriminel më shumë në krah të Edi Ramës. Ai është një kriminel i dënuar në Shqipëri me 25 vite burg, i dënuar në Greqi përjetë sipas mediave dhe vjen në krah të Edi Ramës. A i lexove lajmet? Ministria i ka premtuar hapjen e çështjes. Nuk i hap kurrë ministria. I hap drejtësia çështjet.
Nxorën fytyrën e tyre. Vjen një kriminel më shumë në krahët e Edi Ramës, siç është Lul Berisha, Emiljano Shullazi. Rama është një frikacak që ka frikë nga hija e tij. Për 20 vite që i ka ikur drejtësisë shqiptare ai merr dënim suplementar,” deklaroi Berisha.
