Një sasi eksplozivi i është vendosur banesës së të atit të drejtorit të OSHEE ne Fushë-Krujë. Persona ende të paidentifikuar i kanë venë lëndën plasëse banesës së shtetasit Xhavit Masha.
Burimet e para, ende jo zyrtare, thonë se lënda plasëse ka shpërthyer rreth orës 02:45 të mëngjesit të sotëm, pa shkaktuar të lënduar, por vetëm dëme të konsiderueshme materiale.
Po kështu raportohet se nga shpërthimi është dëmtuar automjeti që ndodhej i parkuar në oborr, si dhe vetë banesa.
Pronari i banesës njihet si një person pa konflikte. Dyshohet se tritoli i vendosur ka lidhje me detyrën e të birit, Besnikut, i cili mban postin e OSHEE për Fushë-Krujën.
