Djali 3-vjeçar që ndërroi jetë në një kopsht privat në Fier, është mbytur me zinxhirin e xhupit. Ky ka qenë përfundimi që ka dalë nga ekspertiza mjeko-ligjore, duke konfirmuar versionin e edukatores Redina Binjaku, e cila u arrestua për veprën penale të shkeljes së rregullores në punë.
Ngjarja e rëndë u shënua në 7 janar. Fëmija u gjet përmbys nga edukatorja, dhe u dërgua në spital pa shenja jete.
Fëmija ka tentuar të marrë çantën nga varësja e rrobave, por ka ngecur aty kapuçi i xhupit që mbante veshur. Aty 3-vjeçari besohet se është rrëzuar dhe është mbytur, ndërsa dyshohet se ka qenë jashtë vëmendjes së stafit të kopshtit privat.
Stafi i kopshtit privat e ka dërguar fëmijën në Spitalin e Fierit, ku ai ka mbërritur pa shenja jete.
