Pas tërmetit të fuqishëm që goditi vendin mëngjesin e 26 nëntorit, inxhinieri Agim Seranaj i quan normale pasgoditjet.
I ftuar në “News24”, Serenal qetësoi qytetarët duke iu thënë se Shqipëria nuk do ta ketë kurrë fatin e Japonisë, ndërsa iu bëri thirrje që t’i kthehen rutinës.
“Duhet të mësohemi se të tilla lëkundje do ti ndjejmë. Ngjarje si në Japoni nuk do të kemi as në madhësi dhe as në frekuencë. Duhet t’i quajmë normale. Duhet të kuptojmë pse natyra i ka të nevojshme. Tërmeti zhvillohet prej lëvizjeve të pllakave tektonike.
Janë pllaka të mëdha, ato duhet të gjejnë ripozicion dhe gjatë kohës që duan të stabilizojnë veten krijojnë edhe këto lëkundjet post shok. E fjetura në makinë duhet të eliminohet patjetër. I kam parë vetë dhe kur i shoh në makina me fëmijët, nuk i shoh dot. Kam qenë edhe në Durrës edhe në banesat apo pallatet që i kam parë që nuk kanë dëmtime i kam thënë banorëve që të futen brenda. Nuk ka arsye për të fjetur jashtë”, deklaroi inxhinieri.
