Edhe pse për vdekjen e 20-vjeçares Caroline në Greqi tashmë ka një fajtor, i cili është bashkëshorti i saj Babis Anagnostopoulos, ekspertët ende nuk e kanë mbyllur dosjen.
Portali grek TaNea, shkruan se ekspertët besojnë se piloti 32-vjeçar nuk ka përdorur duart e tij për të mbytur Caroline, por leckë ose ndonjë rrobë. Kjo për shkak se në qafën e 20-vjeçares nuk u gjetën gjurmë gishti.
Sipas tyre, më këtë mënyrë Caroline ka humbur vetëdijen dhe nuk ka reaguar në momentin që Babis po i merrte frymën.
Ekspertët studiuan 6 minutat dramatike që iu deshën pilotit 32-vjeçarit, për t’i marrë jetën Caroline. Ata kanë përshkruar momentet finale deri sa zemra e 20-vjeçares pushoi së rrahuri.
Sipas ekspertëve, në 04:05 të mëngjesit të datës 11 maj, Caroline ishte duke fjetur në shtratin e saj dhe vetëm disa minuta më vonë, në 04:11 të mëngjesit, zemra e saj pushoi së rrahuri.
“Me forcë, ju privoni personin nga hyrja e ajrit në rrugët e frymëmarrjes. Kjo kërkon një veprim të zgjatur dhune, i cili nuk mund të konsiderohet si i menjëhershëm, ose që kjo dhunë të mos perceptohet nga autori”, tha ekzaminuesi mjekësor Socrates Tsantiris.
