Rënia e Murit të Berlinit në vitin 1989, shënoi fitoren e Perëndimit në Luftën e Ftohtë ndaj Bashkimit Sovjetik. Por, historia duket se përsëritet sërish, veçse këtë herë në kontekstin e kohës që po jetojmë. Rikthimi i Luftës së Ftohtë nuk është vetëm një konvencion gjeopolitik, por edhe një betejë e hapur midis doktrinës ruse dhe asaj të Perëndimit. Eksperti amerikan për çështjet e sigurisë, ushtrisë dhe gjeopolitikës James Warren thekson se doktrina Putin përbën një kërcënim real ndaj vlerave të Perëndimit.
“Lufta e Ftohtë, është një terren krejtësisht i huaj për shumicën e qytetarëve të sotëm, sidomos ata që janë nën 40-vjeç. Por, arsyeja më bindëse për riparjen e kësaj doktrine, është analiza e saj të mprehtë mbi psikikën ruse, e cila hedh dritën mbi burimet dhe objektivat gjithnjë e më kërcënuese të politikës së jashtme së Vladimir Putinit”, shprehet Warren në një analizë për “Daily Beast”, Analiza e plotë: Ja si Perëndimi arriti të mbante nën kontroll agresionin rus
Warren i referohet edhe ekspertëve të tjerë sipas të cilëve “Doktrina Putin” ka pasoja ogurzeza për Shtetet e Bashkuara, Perëndimin, dhe vetë popullin rus.
Ndër parimet e saj kryesore janë këto:
- Rimëkëmbja e një pjesë të konsiderueshme të aseteve politike, ekonomike dhe ushtarake të humbura nga shembja e Bashkimit Sovjetik në vitin 1991. Aneksimi i Krimesë në 2014-ën, dhe mbështetja e Moskës për kryengritjen në Ukrainën Lindore, shënuan fillimin dhe jo fundin e një programi ekspansionist ambicioz. “Ashtu si Stalini”- shkruan historian i Universitetit të Prinstonit Stefën Kotkin, “Putini i sheh të gjitha shtetet formalisht të pavarura kufitare…si armë në duart e fuqive perëndimore, të cilat synojnë t’i përdorin kundër Rusisë”.
- Rivendosjen e “sferës anti-perëndimore të ndikimit” përreth periferisë së Rusisë, duke rezultuar në dominimin prej Moskës të vendeve të tilla si Kazakistani, Bjellorusia, Ukraina, Gjeorgjia, dhe shtetet baltike.
- Shndërrimin e Rusisë në një lojtare kyçe të pushtetit në Lindjen e Mesme, me qëllim të kontrollin e nismave të Shteteve të Bashkuara dhe aleatëve të saj atje.
- Përdorimi energjik i mediave të sofistikuara sociale, dhe teknikave luftarake të informacionit, në një fushatë ”masash aktive” për të destabilizuar marrëdhëniet mes anëtarëve të aleancës perëndimore, dhe formësimin e zhvillimeve politike brenda shoqërive të tyre, në një mënyrë të pëlqyeshme për interesat e Rusisë. Pa diskutim, fushata më e shquar e masave aktive deri më sot, ka qenë përpjekja për të ndikuar në zgjedhjet presidenciale amerikane të vitit 2016, por ekspertët kanë identifikuar një listë të gjatë fushatash të tjera.
- Ndërtimi i pamëshirshëm i fuqisë shtetërore brenda vetë Rusisë, i nxitur nga ambiciet perandorake të Putinit jashtë vendit. Një aparat i sofistikuar propagande të brendshme, justifikon nevojën e shpenzime të mëdha ushtarake, dhe sterilizuar demokracinë në shtëpi, si diçka e nevojshme për të kontrolluar kërcënimet e tmerrshme të jashtme ndaj sistemit rus të mirëqënies nga Shtetet e Bashkuara dhe Perëndimi.
(TIRANA TODAY)
