Ndryshon skenari i protestës, pas shoqërimit të sekretarit organizativ të PD-së, Sait Dollapi. Referuar kësaj ngjarjeje, Basha ka marrë mikrofonin, duke akuzuar Ramën dhe Lleshajn si urdhërues të dhunës ndaj Dollapit, ndërsa më pas u ka kërkuar protestuesve që ta shoqërojnë drejt Drejtorisë së Policisë së Tiranës, për të kërkuar lirimin e tij.
“Sait Dollapi ka dalë para gurëve, para fishekzjarrëve për të mbrojtur policët, por me urdhër të Ramës dhe Lleshajat është dhunuar në mënyrën më barbare dhe është shoqëruar në komsiariat. Në emër të opozitës i bëj thirrje ta lirojnë një orë e më parë dhe ju bëj thirrje juve të më shoqëroni te Drejtoria e Policisë”, tha Basha.
Burime për Tirana Today informojnë se gjatë një bisedë telefonike të kryedemokratit Basha, ai ka kërcënuar se nëse nuk lirohet Dollapi, do i bëjë thirrje të gjithë shqiptarëve për t’i vënë flakën Drejtorisë së Policisë.
