Pak javë më parë, spikerja e njohur e lajmeve në Top Channel, u përfol se do të largohej drejt televizionit të ri informativ, A2.
Popa punon prej shumë vitesh si spikere e edicioneve kryesore dhe është kthyer në një ikonë e Top Channel.
Por gjatë këtyre ditëve të nxehta të verës, Genta Popa ka marrë një ofertë me një rrogë të majme nga televizioni A2, për të dhënë edicionin qëndror të lajmeve.
Por burime për Tirana Today, theksojnë se Genta Popa e ka refuzuar ofertën e televizionit A2, duke qëndruar përfundimisht në Top Channel.
Refuzimi i ofertës së A2, ka patur si arsye kryesore pasigurinë financiare që ky televizion i pakrijuar ende mund të ketë në muajt në vijim.
Shumë është përfolur për rroga të majme në këtë televizion, por po aq shumë janë thashetheme se këto rroga mund të jenë një flluskë.
Një tjetër arsye e refuzimit të ofertës së A2, ishte edhe aspekti profesional. Përgjithësisht, spikerët që janë imazh në një televizion, humbasin nëse transferohen në një tjetër televizion. Rasti më konkret është ai i Arben Mevlanit dhe Dhimitër Gjokës, dy imazhe të televizionit Top Channel, të cilët sot janë pothuajse të humbur dhe jashtë tregut mediatik.
Për këto arsye, Genta Popa ka zgjedhur të qëndrojë në Top Channel, aty ku është krijuar edhe imazhi i saj si spikere e edicionit të lajmeve./TIRANA TODAY
