Mëngjesin e sotëm, pak orë para nisjes së procesit të votimit për kreun e Komunitetit Mysliman të Shqipërisë, u tërhoq nga gara një nga kandidatët, myftiu i Kukësit Islam Hoxha.
Ky i fundit, në një prononcim për Tirana Today, ka sqaruar edhe arsyen e marrjes së këtij vendimi.
“U tërhoqa nga gara sepse unë jam kreu i Këshillit të Përgjithshëm dhe nuk më lejohej garimi në zgjedhje. Për këtë arsye, njoftova tërheqjen”.
I pyetur nga gazetarja e Tirana Today, nëse nuk e dinte më përpara se nuk i lejohej të kandidonte, Hoxha u përgjigj: “Jo, nuk kisha dijeni”./ Tirana Today
