Fara e pishës duket se do të jetë biznesi i së ardhmes në Shqipëri. Kuzhinat e famshme të Italisë, por edhe ato të largëta orientale kanë në përbërjen e tyre elementet esenciale në shije, farat e përmenduar më lart.
Padituria dhe neglizhenca janë elemetë të cilat të bllokojnë dhe nuk mund të shijosh, të provosh apo aq më pak të jesh në dijeni se diçka e madhe të qendron aq pranë. Vendi ynë është i mbushur me pyje të tilla në të gjithë territorin e saj, por pak kush ka informacion për këtë produkt magjik. Por e keqja nuk qendron vetëm këtu, farat e pishës jo vetën nuk mblidhen në Shqipëri, por ata importohen me një çmim shumë të lartë duke shpenzuara para me një produkt që ndodhet gjithandej.
“Shumë vende të mesdheut, të pasura me pyje të tilla kanë nisur kultivimin e farave të pishës”-shkruan Agro Web.
Një strategji e tillë po ndiqet shumë prejh tyre, pasi shikojnë një të ardhme të mirë financiare më këtë produkt. Në Itali 1 kilogram farë piushe kushton nga 80-100 euro, kjo vlerë, varion sipas llojit dhe cilësisë së produktit.
Ndërkohë çdo vit, tonelata me fara pishe shiten në tregun e brendshëm dhe tonelata të tjera eksportohen drejt Europës. Vetëm nga blerjet në tregun e brendshëm, të dhënat zyrtare në Itali tregojnë se sasia e shitur e farave të pishës kap vlerën e 48 milionë eurove.Për fat të keq, në Shqipëri farat e pishave ndër vite kanë mbetur të nënvlerësuara. Shumë rrallë gjenden persona që merreshin me mbledhjen e boçeve të pishave, nxjerrjen e farave, përpunimin dhe tregtimin e tyre në vend.
Në hapat e parë të një biznesi fitimprurës:
Mjaftojnë shifrat e përmendura më sipër për të kuptuar se pse ka vlerë mbledhja dhe përpunimi i farave të pishave shqiptare.Por kohët e fundit duket se interesi për mbledhjen e boçeve të pishave dhe përpunimin e farave të tyre po gjallërohet. Emigrantë të kthyer në Shqipëri, kanë nisur hapat e parë në ngritjen e biznesit të përpunimit të farave të pishës.
Ata po shohin mundësitë për të investuar në këtë biznes ende të paprekur dhe të panjohur në Shqipëri.Ata janë duke eksploruar zona të ndryshme të Shqipërisë të pasura me pyje pishash.Interesi për shndërrimin farave të pishave shqiptare në një biznes të mirëfilltë pritet të shënojë një kthesë të fortë në lidhje me përpunimin e këtij produkti.Sot, ky produkt është ndër më të kërkuarit e Europës dhe më gjerë.
Kuzhina e famshme italiane, ajo e largët orientale e shumë receta të tjera në mbarë botën kanë si element të tyre esencial në shije, farat e pishës. Në botë, farat e pishës shiten edhe në rrugë të pjekura mirë dhe të paketuara në letër.Ato kanë një shije të ëmbël dhe krokante. Janë perfekt si ushqim mes vaktesh, por edhe gatime apo salca.
Pse në botë kërkohen kaq shumë?
Krahas përdorimit të tyre në kuzhinë, farat e pishës janë fantastike për shëndetin.Ato përmbajnë proteina, fibra, minerale dhe vitamina. Stikat e pishës janë një burim i pasur acidi pinoleik që në vetvete është një acid yndyror.Farat e pishës janë një burim i shkëlqyer i yndyrnave të pangopura.Kanë një funksion të rëndësishëm në uljen e kolesterolit në gjak. Një gjë e tillë ul rrezikun ndaj atakut në zemër dhe sëmundjeve kardiovaskulare.
Farat e pishës janë të pasura me hekur. Organizmi e përdor hekurin për shumë procese thelbësore siç është rregullimi i sistemit qendror nervor dhe qarkullimit të gjakut.Një tjetër vlerë e shtuar e stikave të pishës është fakti që ato munden të ngadalësojnë procesin e plakjes.Farat e pishës janë fantastike për të na dhënë energji. Ato janë të pasura me proteina të cilat organizmi ynë i përdor për të rregulluar indet e dëmtuar.
